Xoş gəlmisiniz!

Azərbaycan-Amerika Gəncləri İctimai Birliyinin veb səhfəsində Sizi salamlayıram.

Sovet İttifaqı dağıldıqdan sonra Azərbaycan yenidən müstəqillik qazandı və ölkənin daxili və xarici siyasətinə diqqət yetirmək imkanı qazandı. Avro-Atlantik Strukturlara inteqrasiya və qərb ölkələri ilə strateji əməkdaşlıq Azərbaycan xarici siyasətinin prioritet tutduğu məsələlərdir. 10 il əvvəl Azərbaycan uğurla qərb strukturlarına inteqrasiya etdi və bir neçə beynəlxalq təşkilatlara qoşuldu.

Azərbaycan və ABŞ arasında münasibətlər strateji baxımdan xarakterizə oluna bilər. Azərbaycan həmişə anti-terrorizm əməliyyatlarında, qlobal enerji təhlükəsizliyi layihələrində və dünyada demokratiya, inkişaf və sülhün təbliğində ABŞ-a dəstək olub. Hər iki müttəfiq dövlət təhlükəsizlik, demokratiya, təhsil, bazar iqtisadiyyatı və neft sahəsində uğurlu əməkdaşlıq və münasibətlər qurmuşlar.

Azərbaycan-Amerika Gəncləri İctimai Birliyi xarici gəncləri özündə birləşdirən könüllülük prinsipi üzərində fəaliyyət quran qeyri-hökumət təşkilatıdır. Azərbaycan-Amerika Gəncləri İctimai Birliyinin əsas məqsədi müxtəlif sferalarda Azərbaycan və Amerika gənclərinin əlaqələrinin inkişafına töhfə verməkdir. Biz, tələbə mübadiləsini sürətləndirmək və Azərbaycan və Amerika gəncləri arasında aktiv əməkdaşlığa yardım göstərmək və iki ölkə arasında tələbə mübadiləsinin zəruriliyini yüksək səviyyəyə qaldırmaq üçün çalışırıq. Əlbəttə iki ölkə gəncləri arasında əməkdaşlığı və tələbə-mübadiləsini inkişaf etdirməklə bərabər təşkilat Azərbaycan və Amerika arasında mədəniyyətlərarası inteqrasiyanın inkişafını da qarşısına məqsəd qoyub.

Təşkilatın digər məqsədi Azərbaycanda vətəndaş cəmiyyətinin inkişafında gənclərin geniş iştirakını həvəsləndirməyi şərtləndirən gənclər arasında təhsil layihələri və proqramlarının yerinə yetirilməsidir. Biz, Azərbaycanda demokratik vətəndaş cəmiyyətinin qurulması üçün gənclərin aktiv iştirakına söykənən ölkənin regionlarında gənclər arasında müxtəlif təhsil layihələri keçirmişik. Bizim keçirdiyimiz tədbirlər arasında böyük rol oynamış və həmçinin Azərbaycana beynəlxalq və qərb təcrübəsini gətirən beynəlxalq layihələr də var.

Biz, Azərbaycan, onun mədəniyyəti, dəyərləri, adət-ənənələri, tarixi haqqında Amerika və xarici gənclərə məlumat çatdırmış və azərbaycanlı gənclərin beynəlxalq birliklərə aktiv inteqrasiyası üçün şərait yaratmışıq.

Azərbaycan-Amerika Gəncləri İctimai Birliyinin bütün qeyd olunan fəaliyyəti xarici gəncləri bir araya gətirərək bütün dünyaya demokratik dəyərləri, insan hüquqları, qanunvericiliyi, azadlığı və sülhü yaymaq və bölüşməyə xidmət edir. Biz bir gənc olaraq gələcəyin təməliyik və etdiyimiz dəyişikliyi dünyada görmək istəyirik.