HƏYATA KEÇİRİLƏN LAYİHƏLƏR VƏ TƏDBİRLƏR

1. 2001-ci ilin Sentyabr ayının 11-də ABŞ-da baş vermiş dəhşətli terror aktından 3 ay sonra Dekabr ayının 11-də Təşkilat ETM «Təfəkkür Universitetində» «Gənclər Terrorizmə Qarşı» devizi altında dəyirmi masa təşkil etmişdir. Tədbir Azərbaycan Respublikasının ABŞ-a anti-terror əməliyyatlarında dəstək olması və 11 Sentyabr hadisələrində həlak olanların ruhunu anma günü ilə bağlı keçirilən tədbirlərlə eyni vaxta düşməsi Azərbaycan xalqının həmişə ABŞ xalqı ilə bir yerdə olmasının təcəssümü idi. Tədbirdə KİV nümayəndələri və mövzu üzrə ekspertlər və müxtəlif gənclər təşkilatlarının nümayəndələri iştirak etmişdir.

2. 9-10 Avqust, 2002-ci ildə Təşkilat Azərbaycanda keçirilən 24 Avqust referendum günü ilə bağlı «Azərbaycan Konstitusiyası və Beynəlxalq Rəy» mövzusunda silsilə tədbirlər həyata keçirmişdir. Tədbirlərin yekunu olaraq Azərbaycanda fəaliyyət göstərən gənclər təşkilatlarının iştirakı ilə press-konfrans keçirilmişdir. Tədbirdə KİV nümayəndələri və mövzu üzrə ekspertlər iştirak etmişdir.

3. 27 Mart, 2002-ci ildə ETM «Təfəkkür Universitetində» «Azərbaycan və ABŞ Təhsil Sistemi XXI Əsrdə» adlı elmi-praktik konfrans keçirilmişdir. Konfransda Azərbaycan və ABŞ Təhsil Sistemi arasında olan inteqrasiyanın bu günü və sabahı haqda fikir mübadiləsi aparılmışdır. Tədbirdə Amerika Beynəlxalq Təhsil Şurasının sədri Cerimi Taş, Təfəkkür Universitetinin rəhbərliyi və Gənclər, İdman, Turizm Nazirliyinin nümayərdələri iştirak etmişlər. Tədbirdə eləcə də KİV nümayəndələri iştirak etmişdir.

4. 2002-ci ilin iyul ayında Təşkilatın Amerikalı üzvləri ilə birgə ABŞ-ın dövlət müstəqilliyinin 227-ci ildönümü münasibəti ilə bədii-əyləncəli tədbir təşkil edilmişdir.

5. 2002-ci ilin Oktyabr ayının 22-27 arası Təşkilatın sədri Vüqar Əhmədov ABŞ-ın Çikaqo şəhərinə səfər etmişdir. Səfərin məqsədi Təşkilatın Amerikadakı partnyorları ilə görüşlər keçirmək və oradakı Azərbaycan diasporunun nümayəndələri ilə danışıqlar aparmaq idi.

6. 2002-ci ilin Noyabr ayında Bakı Dövlət Universitetində «Azərbaycan və ABŞ diplomatik münasibətlərinin 10-cu il dönümü»nə həsr edilmiş konfrans keçirilmişdir. Tədbirdə Amerika Beynəlxalq Təhsil Şurasının sədri Cerimi Taş, ABŞ-ın Azərbaycandakı səfirliyinin Siyasi-İqtisadi şöbəsinin rəhbəri Karin Maklenand, ABŞ-da təhsil alan məzunlar, gənclər təşkilatlarının nümayəndələri və eləcə də KİV nümayəndələri iştirak etmişlər.

7. 2003-cü ilin Fevralın 21-də «Gəncliyə Yardım Fondunda» Amerikada Azərbaycan diasporunun vəziyyəti və Gənclərin bu sahədə yeri və rolu» mövzusunda konfrans təşkil edilmişdir. Tədbirin məqsədi ABŞ-ın Azərbaycana maliyyə yardımlarının azaldılmasına, «Dağlıq Qarabağa» isə 20 milyon dollar yardım ayırmasına etiraz etmək idi.

8. 2003-cü iyun-dekabr ayları ərzində AAGİB fəaliyyətini «Gənclərin Seçkilərdə İştirakının Stimullaşdırılması» adlı layihəsinin həyata keçirilməsinə həsr edib. Layihə ABŞ-ın Azərbaycandakı səfirliyinin maliyyə dəstəyi ilə həyata keçirilib və məqsəd regionlarda maarifləndirici treninqlər yolu ilə gənclərin seçkilərdə maksimum iştirakına nail olmaq idi.

9. 2004-cü ilin iyun-dekabr ayları ərzində AAGİB «Bələdiyyələr və Gənclər arasında əlaqələrin və əməkdaşlığın inkişaf etdirilməsi» adlı layihəsini Fizuli rayonunun 23 kəndində Açıq Cəmiyyət İnstitutu-Yardım Fondu, Dünya Bankının Bakı ofisi və Avrasiya Fondunun maliyyə dəstəyi ilə həyata keçirmişdir.

10. 2005-ci ilin iyun-oktyabr ayları ərzində təşkilat Norveç Krallığının Azərbaycandakı Səfirliyinin və Avrasiya Fondunun maliyyə dəstəyi ilə «Gənclərin Seçki Təşəbbüslərinin İnkişaf etdirilməsi və Gənclər Parlamentinin yaradılması» ilə əlaqədar Azərbaycanın 7 bölgəsində təlim kursları və yay düşərgəsi təşkil etmişdir.

11. 2005-ci ilin Sentyabr ayının 09-13 tarixləri arasında təşkilat Avropa Birliyi Gənclər Proqramının maliyyə dəstəyi ilə Bakı şəhərində «Avropa Birliyinə üzv olmayan ölkələrin gənclər təşkilatlarının bu qurumun Gənclər Proqramında iştirakı ilə bağlı mövcud baryerlər necə aşılmalı» mövzusunda beynəlxalq seminar təşkil etmişdir.

12. 2006-cı ilin Aprel ayının 14-19 tarixləri arasında təşkilat Avropa Şurası Gənclər Fondunun maliyyə dəstəyi ilə «Hər-Kəs Fərqli-Hər Kəs Bərabər» adlı kampaniya çərçivəsində «Hər Kəs Bərabərdir-Hər Kəs Qeyri-Fərqli Deyil» adlı Seminar təşkil etmişdir.

13. Təşkilat 2006-cı ilin Aprel-İyul aylarında Açıq-Cəmiyyət İnstitutu Yardım Fondunun maliyyə dəstəyi ilə «Region Gənclərinin asudə vaxtının təşkili» adlı laiyhə həyata keçirir.

14. 2006-cı ilin ikinci yarısı təşkilat Norveç Krallığının Azərbaycandakı Səfirliyi və Avrasiya Fondunun maliyyə dəstəyi ilə «Azərbaycan Gənclər Parlamenti-2-ci hissə» adlı layihəni həyata keçirir.

Xoş gəlmisiniz! Azərbaycan-Amerika Gəncləri İctimai Birliyinin veb səhfəsində Sizi salamlayıram.

«Gənclər nə istəyir» mövzusunda sosioloji sorğunun nəticələri

CARİ TƏDBİRLƏR

SON XƏBƏRLƏR