 |
| FƏALİYYƏT
/ Yerli layihələr |
|
Azərbaycan-Amerika Gəncləri İctimai Birliyinin Norveç
Krallığının Azərbaycandakı Səfirliyi və ABŞ Beynəlxalq
İnkişaf Agentliyinin Avrasiya Fondu vasitəsi ilə maliyyələşdirdiyi
«Azərbaycan Gənclər Parlamenti-İkinci Hissə» adlı
layihəsi çərçivəsində «Azərbaycanda qanunvericilik
aktları və gəncliyin maraqları: Reallıqlar və Perspektiv
Düşüncələr» mövzusunda Konfrans
01 Noyabr, 2006
«Hyatt Hotel» Konfrans və Görüş Mərkəzi, Bakı zalı
Məlum olduğu kimi, 2005-ci ildə Azərbaycan-Amerika
Gəncləri İctimai Birliyinin dəstəyi və Norveç Krallığının
Azərbaycandakı Səfirliyi və ABŞ Beynəlxalq İnkişaf Agentliyinin
Avrasiya Fondu vasitəsi ilə maliyyələşdirdiyi layihə
çərçivəsində Azərbaycanda ilk dəfə Gənclər Parlamenti
təsis olundu və bu müddət ərzində Azərbaycanın 17 bölgəsində
Gənclər Parlamentinin regional koordinasiya şuraları
təsis olunmuşdur. Bu qurumun əsas məqsədi Azərbaycanın
potensiallı gəncləri arasında gənc parlamentarilərin
yetişməsinə şərait yaratmaq, gənclərin parlament institutuna
və Milli Məclis deputatlarına çıxış imkanlarını artırmaq,
onların maraqlarını müdafiə etmək və onların sosial-iqtisadi,
təhsil, mədəni və regional problemlərini ictimai səviyyədə
qaldırmaqdır.
2006-cı ildə Gənclər Parlamenti layihəsinin ikinci
hissəsinə start verilmişdir. İkinci hissədə Azərbaycanın
9 bölgəsində gənclərin regional problemlərini və ehtiyaclarını
öyrənmək istiqamətində sorğular təşkil edilmişdir. Sorğular
nəticəsində gənclərin prioritet istiqamətlər üzrə regional
problemləri və ehtiyacları öyrənilmiş və ictimaiyyətin,
hökümət nümayəndələri və Milli Məclis üzvlərinin diqqətinə
çatdırılması üçün bu konfransın keçirilməsi qərara alınmışdır.
Məhz bu tədbir Azərbaycan Gənclər Parlamentinin regiondan
olan üzvləri üçün bir araya gələrək gənclərin regional
problemlərini, ehtiyaclarını, kecirdikləri sorğuların
nəticələrini və təklif etdikləri gənclərlə bağlı qanun
layihələrini ictimaiyyətə və parlamentarilərin diqqətinə
çatdırmaq, gənclərin parlament institutuna və Milli
Məclis deputatlarına çıxış imkanlarını artırmaq, gəncləri
parlamentarilərlə görüşdürmək və Azərbaycanda qanunvericilik
aktlarının gənclərin maraqlarına nə dərəcədə cavab verməsi
ilə bağlı mövzunu müzakirəyə çıxarmaq məqsədi daşıyır.
Konfrans regionlardan olan Gənclər Parlamentinin regional
koordinasiya şuralarının gənc üzvləri üçün onların regional
problemləri və ehtiyacları ilə bağlı fikirləri hökümət
nümayəndələri və Milli Məclis üzvlərinin diqqətinə çatdırılmasına
şərait yaradacaq. Qeyd edək ki, tədbirdə beynəlxalq
təşkilatların, hökümət nümayəndələri və Milli Məclis
üzvlərinin iştirakı və çıxışları nəzərdə tutulur. Bu
konfransda eyni zamanda layihə çərçivəsində keçirilən
sorğunun nəticələrinin və hazırlanan veb-səhfənin təqdimatı
planlaşdırılır.
Konfrans öz işinə «Hyatt Hotel», Konfrans və Görüş
Mərkəzinin Bakı zalında 2006-cı il Noyabr 01
tarixində saat 10:00-da başlayacaq. İştirak
etmək istəyənlərdən Azərbaycan-Amerika Gəncləri İctimai
Birliyinin katibliyi ilə aşağıda qeyd olunan elektron
poçt ünvanı vasitəsi ilə əlaqə saxlaması xahiş olunur.
Elektron ünvan:
office@aagib.org
Web site:
http://www.aagib.org
«Azərbaycanda qanunvericilik aktları və gəncliyin
maraqları: Reallıqlar və Perspektiv Düşüncələr» mövzusunda
Konfransın
PROQRAMI
01 Noyabr, 2006, Saat 10:00-13:00
«Hyatt Hotel» Konfrans və Görüş Mərkəzi, Bakı zalı
Konfransın təşkilatçısı: Azərbaycan-Amerika
Gəncləri İctimai Birliyi
-
10:00-10:10 Qeydiyyat
-
10:10-10:20 Konfransın açılışı
– Vüqar Əhmədov, Azərbaycan-
Amerika Gəncləri İctimai Birliyinin sədri
-
10:20-10:30 Layihə çərçivəsində
hazırlanan veb səhfənin və keçirilən
sorğunun nəticələrinin təqdimatı
-
10:30-10:40 Çıxış-Millət Vəkili-cənab
Fuad Muradov
-
10:40-10:55 Məruzə-«Azərbaycanda
mövcud qanunvericilik bazası»
-Əliməmməd Nuriyev, Konstitusiya Araşdırmaları Fondunun
sədri
-
10:55-11:15 Gənc parlamentarilərin
çıxışları və sualları
-
11:15-11:25 Çıxış-Millət Vəkili-Cənab
Əkrəm Abdullayev
-
11:25-11:45 İctimai təşkilatların
və tələbə-gənclərin çıxışları və sualları
-
11:45-12:00 Məruzə«Azərbaycanda
gənclərlə bağlı qəbul olunan qanunlar»-
Vüqar Əhmədov-Gənclər və İdman Nazirliyi
-
12:00-12:15 Millət Vəkilləri,
Beynəlxalq və Donor təşkilatların çıxışları
-
12:15-12:30 Gənc parlamentarilərin
çıxışları və sualları
-
12:30-12:45 Çıxışlar ətrafında
müzakirələr və sual-cavablar
-
12:45-13:00 Kofe Brek
