FƏALİYYƏT / Yerli layihələr

Beynəlxalq Seminar, 2005

Sentyabr 09-13, 2005-ci ildə Azərbaycan-Amerika Gəncləri İctimai Birliyi Polşadan həmkar təşkilatı olan “ Vətəndaş Təşəbbüslərinin Dəstəyi Assosiasiyası” ilə birgə Bakıda Avropa komissiyası Gənclər Proqramı çərçivəsində “Qeyri-Avropa Birliyi dövlətlərinin QHT-lərinin Avropa Birliyi Gənclər Proqramında aktiv iştirakı üçün maneələrin öhdəsindən necə gəlmək olar” adlı Beynəlxalq seminarı keçirdi. Seminarda Birləşmiş Krallıqdan, İtaliyadan, Fransadan, Niderlanddan, Macarıstandan, Latviyadan, Estoniyadan, Polşadan, Ukraynadan, Moldovadan, Rusiyadan, Gürcüstandan, Belarusiyadan müxtəlif Avropa gənclər təşkilatlarını təmsil edən 26 gənc iştirakçı var idi.

Seminar qeyri-AB və AB ölkələrinin gəncləri üçün öz təcrübələrini və Gənclər Proqramının iştirak formaları haqqında təcrübələri mübadilə etmək üçün yaxşı imkan idi. Bu seminar AB Gənclər Proqramında iştirak əngəllərini aradan qaldırılmasında və gənclər sahəsində təcrübə mübadiləsi və əməkdaşlığı inkişaf etdirmək üçün əməkdaşlar axtarmaqda yerli və xarici iştirakçılara böyük kömək oldu.

Seminarın məqsədi mədəniyyət və təhsil sahəsində mübadilə etmək, AB Gənclər Proqramının müvafiq fəaliyyətlərini qeyri-AB və AB ölkələrinin QHT-lərinə məlumat yaymaq, üçüncü qrup ölkələrlə birgə layihələrdə işləmək, AB Gənclər Siyasətinə cəlb olunmaq idi. Bütün iştirakçı ölkələrlə qısa və uzun müddətli layihələrdə məlumat dəstəyi, mədəniyyətlərarası inteqrasiya, gənclər arasında söhbətlər bu tədbirdə baş verdi.

Bu seminarda Azərbaycan Gənclər Təşkilatlarının Avropa Komissiyası Gənclər Proqramına və AB Gənclər Hərəkatına inteqrasiyasının zəruriliyi qeyd olundu. Seminar iştirakçıları dərindən vurğuladılar ki, azərbaycanlı gənclərin mühitini, mədəniyyətini və dəyərlərinə yaxından bələd olmaq üçün Avropa gənclərinin Azərbaycanda keçirilən tədbirlərdə iştirakı çox zəruridir.