Təşkilat haqqında məlumat

Azərbaycan–Amerika Gəncləri İctimai Birliyi iki dövlətin gənclərini könüllülük əsasında özündə birləşdirən qeyri–hökumət, ictimai gənclər təşkilatıdır. AAGİB–nin əsas məqsədi Azərbaycan və Amerika xalqları arasında dostluq münasibətlərini inkişaf etdirməkdir. Bunu etməklə təşkilat Azərbaycanlı gənclərin müasirləşməsinə, maariflənməsinə, dünya görüşünün artırılmasına şərait yaradır. Bundan əlavə AAGİB–nin əsas məqsədlərindən biri Azərbaycanı Amerika və Avropa gəncləri arasında təbliğ etmək və tanıtmaq, Amerikada fəaliyyət göstərən gənclər təşkilatları ilə informasiya və gənclər mübadiləsi həyata keçirmək və Azərbaycanda vətəndaş cəmiyyətinin inkişafına və güclənməsinə, eləcə də gənclərin Azərbaycanda vətəndaş cəmiyyətinin inkişafı prosesində iştirakını artırmaq da əsas vəzifələrimizdəndir.